«Qaıratty» jeńgen «Aqjaıyq» Qazaqstan kýbogynyń jartylaı fınalyna shyqty
NUR-SULTAN. QazAqparat - Qazaqstan kýbogynyń shırek fınaldyq matchynda Almatynyń «Qaıraty» óz alańynda «Aqjaıyqty» qabyldady, dep habarlaıdy QazAqparat tilshisi.
Jankúıerler oıyn alań ıeleriniń basymdyǵymen ótedi dep kútkenimen, oraldyqtar jıirek shabýyldady.
Degenmen Danıl Ýstımenko óz qaqpasyn sátti qorǵaı aldy. Birinshi taım sońyna taman ekinshi ret eskertý alǵan almatylyq Vıacheslav Shvyrev alańnan qýyldy.
Ekinshi taımda «Qaırattan» Sergeı Keıler 77-mınýtta aıyp dobyn tamasha oryndady. Alaıda 87-mınýtta Vıktor Vasın óz qaqpasyna gol soǵyp aldy. Sodan keıin Oralhan Ómirtaev «Aqjaıyqqa» jeńis áperdi - 2:1.
Osylaısha, jartylaı fınalǵa joldama alǵan oraldyqtar 19 qazan kúni óz alańynda «Taraz» - «Shahter» matchynyń jeńimpazyn qabyldaıdy.
Eske sala keteıik, budan buryn «Aqjaıyqtyń» Qazaqstan kýbogynyń shırek fınalyna joldama alǵanyn jazǵan bolatynbyz.
Sýretterdi túsirgen Aıbatyr Nurash.
