«Qaırattyń» sensatsııasynan keıin Qazaqstan UEFA reıtıngindegi ornyn jaqsartty

«Qaırattyń» Chempıondar lıgasynyń irikteý kezeńindegi nátıjeleri Qazaqstanǵa UEFA koeffıtsıentter kestesinde kóterilýge ​​múmkindik berdi. 

Sports.kz sporttyq portalynyń málimetinshe, 20 tamyzdaǵy jańartylǵan reıtıng boıynsha Qazaqstan 0,125 upaı alyp, 11,875 kórsetkishimen Kosovony basyp ozdy. Osylaısha qazaqstandyq klýbtar 38-orynǵa kóterildi. 

Glazgoda ótken Chempıondar lıgasynyń pleı-off irikteý kezeńiniń birinshi matchynda «Qaırat» shotlandııalyq «Seltıkpen» 0:0 esebimen teń tarqasqan bolatyn.

Qos komanda arasyndaǵy qarymta kezdesý 26 tamyzda Almtyda ótedi. 

Aıta keteıik, almatylyq fýtbolshylar atalǵan týrnırdiń alǵashqy úsh irikteý kezeńinde Slovenııanyń «Olımpııa» (1:1, 2:0), Fınlıandııanyń KýPS klýbtaryn (0:2, 3:0), Slovakııanyń «Slovan» (1:0, 0:1, penaltıden 4:3) komandasyn qapy qaldyrdy.