«Qaırattyń» eýrokýbok oıyndaryndaǵy yqtımal qarsylastary anyqtaldy
ASTANA. KAZINFORM - Búgin, 20 shildede Shveıtsarııanyń Non qalasynda almatylyq «Qaırattyń» UEFA Chempıondar lıgasy jáne Eýropa lıgasy úshinshi irikteý kezeńindegi yqtımal qarsylastary anyqtaldy.
Qazaqstandyq komanda Chempıondar lıgasy úshinshi irikteý kezeńine shyqqan jaǵdaıda «Levskı» (Bolgarııa) - «Ýnıversıtatıa Kraıova» (Rýmynııa) jubynyń jeńimpazymen kezdesedi. Oǵan deıin 22 jáne 29 shilde kúnderi almatylyq klýb ekinshi irikteý kezeńinde Kıprdiń «Omonııa» klýbymen sheberlik baıqasady.
Eger ekinshi irikteý kezeńinde qarsylasyna ese jibergen jaǵdaıda «Qaırat» Eýropa lıgasy úshinshi irikteý kezeńinde «Melbıý» (Shvetsııa) - «Lınkoln Red Imps» (Gıbraltar) jubynyń jeńimpazymen oınaıdy.
Aıta ketsek, qazirge deıin almatylyq fýtbolshylar Chempıondar lıgasy birinshi irikteý kezeńinde Chernogorııanyń «Sýteska» klýbyn (2;1, 2:0) qapy qaldyrdy.
Sondaı-aq búgin 17:00-de «Tobyl» Konferentsııa lıgasy úshinshi irikteý kezeńindegi qarsylasyn anyqtaıdy. Oǵan deıin qazaqstandyq komanda ekinshi irikteý kezeńinde Lıtvanyń «Panevejıs» komandasymen sheberlik baıqasady.
Aıta ketsek, budan buryn Konferentsııa lıgasy birinshi irikteý kezeńinde elordalyq «Astana» Albanııanyń «Dınamo Sıtı» (1:0, 1:4), semeılik «Elimaı» Armenııanyń «Alashkertine» (1:1, 2:2, penaltıden 5:6) jol berdi.
Aıta ketsek, almatylyq klýb ótken maýsymda Chempıondar lıgasy negizgi kezeńinde Portýgalııanyń «Sportıngine» 1:4, Ispanııanyń «Real Madrıdine» 0:5, Italııanyń «Interine» 1:2, Grekııanyń «Olımpıakosyna» 0:1, Danııanyń «Kopengagenine» 2:3, Belgııanyń «Brıýggesiine» 1:4, Anglııanyń «Arsenalyna» 2:3 esebimen jol berse, Kıprdiń «Pafosymen» 0:0 esebimen teń tústi.
