«Qaırattyń» Chempıondar lıgasy pleı-off kezeńindegi yqtımal qarsylasy anyqtaldy
ASTANA. INFORMSPORT — Búgin, 3 tamyzda Shveıtsarııanyń Non qalasynda UEFA Chempıondar lıgasy pleı-off kezeńiniń jerebesi tartylyp, qazaqstandyq «Qaırat» (Almaty) komandasynyń yqtımal qarsylasy anyqtaldy.
Pleı\-off kezeńinde almatylyq ujym Grekııanyń AEK klýbymen kezdesýi múmkin. Bul oıyndar 18-19, 25-26 tamyz kúnderine belgilengen.
Qazaqstandyq komanda oǵan deıin 4 jáne 11 tamyzda úshinshi irikteý kezeńinde Bolgarııanyń «Levskı» (Sofııa) klýbymen sheberlik baıqasady.
Qazirge deıin almatylyq komanda alǵashqy eki irikteý kezeńinde Chernogorııanyń «Sýteska» klýbynan (2:1, 2:0), Chernogorııanyń Kıprdiń «Omonııa» (1:0, 0:1, penaltıden 6:5) klýbtaryn qapy qaldyrǵan edi.
Aıta ketsek, almatylyq klýb ótken maýsymda Chempıondar lıgasynyń negizgi kezeńinde Portýgalııanyń «Sportıng» (1:4), Ispanııanyń «Real Madrıd» (0:5), Italııanyń «Inter» (1:2), Grekııanyń «Olımpıakos» (0:1), Danııanyń «Kopengagen»(2:3), Belgııanyń «Brıýgge» (1:4), Anglııanyń «Arsenal» (2:3) klýbytaryna jol berse, Kıprdiń «Pafosymen» 0:0 esebimen teń túsken edi.
Sondaı-aq búgin qostanaılyq «Tobyldyń» UEFA Konferentsııa lıgasy úshinshi irikteý kezeńindegi yqtımal qarsyasy belgili bolady. Oǵan deıin qazaqstandyq klýb úshinshi irikteý kezeńinde Serbııanyń «Partızan» komandasymen jasyl alańǵa shyǵady. Olar ekinshi irikteý kezeńinde Lıtvanyń «Panevejıs» (1:1, 2:2, penaltıden — 3:2) klýbyn qapy qaldyrǵan edi.
