«Qaırattyń» Chempıondar lıgasy negizgi kezeńindegi qarsylastary 28 tamyzda anyqtalady

ASTANA. KAZINFORM - Fýtboldan UEFA Chempıondar lıgasy negizgi kezeńiniń jerebesi qashan ótetini belgili boldy.

Bul shara 28 tamyzda qazaqstandyq ýaqytpen 21:00-de bastalyp, «Qazsport» tikeleı efırde kórsetiledi. Atalǵan týrnırde almatylyq «Qaırat» pleı-off kezeńinde Shotlandııanyń «Seltık» komandasyn (0:0, 0:0, penaltıden 3:2) jeńip, negizgi kezeńge joldama alǵan edi.

Almatylyq fýtbolshylar atalǵan týrnırdiń alǵashqy úsh irikteý kezeńinde Slovenııanyń «Olımpııa» (1:1, 2:0), Fınlıandııanyń KýPS klýbtaryn (0:2, 3:0), Slovakııanyń «Slovan» (1:0, 0:1, penaltıden 4:3) komandasyn qapy qaldyryp ketti.

Almatylyq «Qaırattan» ózge negizgi kezeńge kıprlik «Pafos» jáne norvegııalyq «Býde‑Glımt» joldama aldy. Oǵan deıin jarystyń atalǵan satysynda synǵa túsetin 29 komanda belgili boldy. Olardyń qatarynda «Tottenhem», «Lıverpýl», «Arsenal», «Manchester Sıtı», «Chelsı», «Nıýkasl» (barlyǵy - Anglııa), «Napolı», «Inter», «Atalanta», «ıÝventýs» (barlyǵy - Italııa), «Barselona», «Real», «Atletıko», «Atletık», «Vılıarreal» (barlyǵy - Ispanııa), «Bavarııa», «Baıer», «Aıntraht», «Borýssııa Dortmýnd» (barlyǵy - Germanııa), «PSJ», «Marsel», «Monako» (barlyǵy - Frantsııa), PSV, «Aıaks» (ekeýi - Nıderland), «Sportıng» (Portýgalııa), «ıÝnıon» (Belgııa), «Galatasaraı» (Túrkııa), «Slavııa» (Chehııa) jáne «Olımpıakos» (Grekııa) bar.

Endi taǵy úsh komanda 27 tamyz kúnge oıyndarda belgili bolady.