«Qaırattyń» Chempıondar lıgasy ekinshi irikteý kezeńindegi yqtımal qarsylastary anyqtalady

ASTANA. KAZINFORM — Almatylyq «Qaırattyń» fýtboldan UEFA Chempıondar lıgasy ekinshi irikteý kezeńindegi yqtımal qarsylastary anyqtalady. 

Keshe, 17 maýsymda almatylyq komandanyń atalǵan týrnırdiń birinshi irikteý kezeńindegi qarsylasy anyqtaldy. Olar Slovenııanyń «Olımpııa» komandasymen 8/9 shildede Lıýblıanada jáne 15/16 shildede Almatyda jarystyń kelesi satysyna beriletin joldamany sarapqa salady. 

Eger almatylyq klýb ekinshi irikteý kezeńine shyqqan jaǵdaıda tómende kórsetilgen juptardyń jeńimpazymen kezdesedi.

«Vırtýs» (San-Marıno) — «Zrınskı» Mostar (Bosnııa jáne Gertsegovına)
KýPS (Fınlıandııa) — «Mılsamı» (Moldova)
«Nıý Seınts» (Ýels) — «Shkendııa» (Soltústik Makedonııa)
«Shelbýrn» (Irlandııa) — «Lınfıld» (Soltústik Irlandııa).

Jerebe tartý rásimi búgin, 18 maýsymda qazaqstandyq ýaqytpen 15:00–ge belgilengen.

Eger «Qaırat» «Olımpııaǵa» ese jibergen jaǵdaıda Konferentsııa lıgasy ekinshi irikteý kezeńine joldama alady.