«Qaırattyń» Chempıondar lıgasy alǵashqy kezeńinde kimdermen oınaýy múmkin
ASTANA. KAZINFORM — Almatylyq «Qaırat» komandasynyń fýtboldan UEFA Chempıondar lıgasy birinshi irikteý kezeńindegi yqtımal qarsylastary anyqtaldy.
Qazaqstandyq komanda bul týrnırdi birinshi irikteý kezeńinen bastaıdy. Olar UEFA-nyń klýbtyq koeffıtsıenti boıynsha 11.000 ballmen «elengender» sanatyna jatqyzyldy.
Nátıjesinde almatylyq klýb Eýropanyń álsiz komandasynyń birimen sheberlik baıqasady.
«Qaırattyń» yqtımal qarsylastary qatarynda «Inter Klýb d’Eskaldes» (Andorra), «Levskı» (Bolgarııa), «Ararat-Armenııa» (Armenııa), «Sabah» (Ázerbaıjan), «Jalgırıs» (Lıtva), «Sýteska» (Chernogorııa), «ETO Der» (Vengrııa), «Iberııa 1999» (Grýzııa), «Egnatııa» (Albanııa), «Florıana» (Malta), «Tre Fıorı» (San-Marıno), «Vardar» (Soltústik Makedonııa), «Atert Bıssen» (Lıýksembýrg), «Vıtebsk» (Belarýs) komandalary bar.
Birinshi irikteý kezeńiniń oıyndary 7-8, 14-15 shilde kúnderine belgilengen.
Aıta ketsek, almatylyq klýb ótken maýsymda negizgi kezeńde Portýgalııanyń «Sportıngine» 1:4, Ispanııanyń «Real Madrıdine» 0:5, Italııanyń «Interine» 1:2, Grekııanyń «Olımpıakosyna» 0:1, Danııanyń «Kopengagenine» 2:3, Belgııanyń «Brıýggesiine» 1:4, Anglııanyń «Arsenalyna» 2:3 esebimen jol berse, Kıprdiń «Pafosymen» 0:0 esebimen teń tústi.
