«Qaırattaǵy» fýtbolshylardyń Eýropaǵa ketýge múmkindigi arta túsedi – sport kommentatory

ASTANA. KAZINFORM – Sport kommentatory Ravıl Ashyǵalı Chempıondar lıgasynyń negizgi kezeńi aıasynda «Real Madrıd» fýtbol komandasynyń Almatyǵa kelýi qazaqstandyq fýtbolshylar úshin úlken múmkindik ekenin aıtty. 

– Jerebe joldas boldy dep aıtýǵa bolady. Sebebi álemdik grant sanatyndaǵy ıspanııalyq klýb Almatyǵa keledi. Bul – úlken múmkindik. «Real Madrıd» – álem fýtbolyndaǵy eń úzdik komandalardyń biri. Demek jýyrda Almatyda keremet fýtbol merekesi bolady degen sóz, - dedi ol «Jibek joly» telearnasyndaǵy «Búgin LIVE» baǵdarlamasynda. 

Sondaı-aq kommentator bul match arqyly qazaqstandyq fýtbolshylardyń álemdik top klýbtardyń kózine túsip, myqty chempıonatqa aýysýyna tamasha múmkindigi ekenin tilge tıek etti. 

– 2003 jyly Krıshtıaný Ronaldý «Manchester ıÝnaıtedpen» oıynda Aleks Fergıýsonnyń kózine túsip, keıin «qyzy soıqandardyń» qataryn tolyqtyrdy. 2013 jyly Salah Chempıondar Lıgasynda «Bazel» sapynda oınap, Moýrınıýdiń «Chelsıin» jeńdi. Osydan soń «Chelsı» jeıdesin kıdi. Bizde «Arsenal», «Inter», «Real Madrıd» sekildi klýbtarǵa qarsy oıyn bar. Bizdiń jigitter toptyq kezeńde jaqsy oınasa, álemdik skaýttardyń kózine túsýi ábden múmkin, - dedi Ravıl Ashyǵalı. 

Aıta keteıik, «Qaırat» fýtbol klýbynyń Chempıondar lıgasy negizgi kezeńindegi qarsylastary anyqtaldy. Almatylyq klýb endi «Real Madrıd» (Ispanııa), «Inter» (Italııa), «Arsenal» (Anglııa), «Brıýgge» (Belgııa), «Sportıng» (Portýgalııa), «Olımpıakos» (Grekııa), «Pafos» (Kıpr), «Kopengagen» (Danııa) klýbtarymen oınaıdy.