«Qaırat» jáne «Semeı» fýtzaldan Chempıondar lıgasynda qarymta oıyndaryn ótkizedi

ASTANA. KAZINFORM — Búgin, 5 jeltoqsanda fýtzaldan UEFA Chempıondar lıgasy 1/8 fınalynda qazaqstandyq «Qaırat» jáne «Semeı» klýbtary qarymta oıyndaryn ótkizedi. Jarystyń atalǵan satysyndaǵy alǵashqy kezdesýde almatylyq klýb syrt alańda Belgııanyń «Anderleht» klýbyn 7:3 esebimen tize búktirdi.

Endi olar qarsylastaryna úsh gol aıyrmasymen jeńilip qalmaýy tıis. Nátıjesinde jarysty jalǵstyrýǵa múmkindik alady.

Al «Semeı» birinshi kezdesýde óz alańynda frantsııalyq «Etýalmen» 3:3 esebimen teń tústi. Endi olar qarymta oıynda qarsylasyn jeńilip qalmaýy qajet. Teń nátıje tirkelse jeńimpaz penaltı arqyly anyqtalady.

Bıyl fýtzaldan Chempıondar lıgasynyń elıtalyq kezeńine ózgerister engizildi.
Jarystyń atalǵan satysynda 16 komanda segiz jupqa bólindi. Komandalar óz alańynda jáne syrt alańda bir-bir kezdesýden ótkizdi. Bul oıyndar 2025 jyldyń 24 qarasha-6 jeltoqsan aralyǵynda boldy.

Odan keıin 2026 jyldyń 23 aqpany men 6 naýryzy aralyǵynda komandalar sol ereje boıynsha shırek fınalda synǵa túsedi.

Fınal 2026 jyldyń mamyr aıynda Italııanyń Pesaro qalasynda ótedi. Onda tórt komanda sheberlik baıqasady. Aldymen jartylaı fınal bolsa, odan keıin fınal men 3-oryn úshin oıyndar ótkiziledi.