«Qaırat» úsh legıoneriniń ketkeni týraly resmı habarlady
ASTANA. QazAqparat - «Qaırat» klýbynyń resmı saıty Ivo Ilıchevıch, Akosh Elek jáne Hýan Felıpe almatylyqtar sapynan ketetini týraly resmı málimdeme jasady, dep habarlaıdy sports.kz.
31 jeltoqsan kúni atalǵan úsh fýtbolshynyń klýbpen jasaǵan eńbek kelisimshartynyń merzimi aıaqtalady.
Horvatııalyq jartylaı qorǵaýshy Ivo Ilıchevıch «Qaırat» sapyna 2017 jylǵy qańtarda qosylǵan. 41 matchta 15 gol soǵyp, 8 nátıjeli pas bergen. Akosh Elek 2017 jyldyń naýryzynda almatylyq ujymǵa kelip, 63 oıynda 3 nátıjeli pas bergen. Bıylǵy naýryzda kelgen Hýan Felıpe de úsh nátıjeli pas bergen. Ol almatylyqtar sapynda 30 matchta oınady.
«Qaırat» fýtbol klýby oıynshylardyń úsheýine de alǵys bildirip, aldaǵy mansabyna sáttilik tileıdi.
