«Qaırat» ÝEFA Kýbogynyń jartylaıfınaldyq oıynynda utylyp qaldy
ASTANA. QazAqparat - Almatynyń «Qaırat» klýby ÝEFA Kýbogynyń jartylaı fınaldyq oıynynda ıspanııalyq «Interden» 2:3 esebimen jeńildi, dep habarlaıdy QazAqparat.
Komandalar bir-biriniń oıyn tásilimen jaqsy tanys ekeni kezdesý bastalmaı jatyp baıqaldy. Óz alańynda oınaǵan qazaqstandyq klýb gol salýǵa birden umtyldy. Alǵashqy dop qarsylastar qaqpasyna besinshi mınýtta tústi. Kóp uzamaı esep teńesti. Odan ári «Qaırattyń» shabýyldary sońyna deıin jetkizilmedi, «Inter» de naqtylyq jaǵynan erekshelene qoımady. Degenmen, álemniń úzdik oıynshysy Rıkardıno jeke sheberligin kórsete bildi, ıspanııalyq klýb gol saldy.
Osydan keıin ıspanııalyqtar basymdyqty sezine bastaǵandaı boldy. Biraq «qaırattyqtar» kontr-shabýylda qarsylastarynan aılasyn asyryp, goldy uıymdastyra aldy.
«Inter» ekinshi taıymdy óte belsendi bastady. Qazaqstandyq Igıta alǵashqy eki mınýtta óz qaqpasyn myqtap qorǵaýǵa májbúr boldy. Alǵashqyda ol azdaǵan jaraqat aldy, ekinshi joly onyń qaqpasyna penaltı taǵaıyndaldy. Ony Rıkardıno júzege asyrdy. «Inter» taım boıy basymdyqta boldy, degenmen, «qaırattyqtar» barynsha qorǵanyp, ara-tura kontr-shabýyldar jasap turdy. Match sońyna qaraı belgilengen aıypta dop shtanga men Igıtanyń arqasynan rıkoshetpen ótip, «qaırattyqtardyń» qaqpasyna tústi.
Inter (Ispanııa) - Qaırat (Qazaqstan) 3:2 (1:2)
Goldar: Kabreýva 4.15 (0:1), Rıkardıno 12.58 (1:1), Igor 15.17 (1:2), Rıkardıno 22.38 (2:2), Ortıs 38.42 (3:2).
Endi match jeńimpazy «Inter» Kýboktyń aqtyq matchynda Portýgalııanyń «Sportıng» komandasymen kezdesedi. Al «Qaırat» «qola» úshin reseılik «ıÝgramen» oınaıdy. Match 30 sáýir kúni «Almaty Arenada» ótedi.
