«Qaırat» ÝEFA kýbogy ıegeri ataǵyn qorǵamaq
ASTANA. QazAqparat - 24-26 sáýir kúnderi Almatynyń «Qaırat» fýtbol komandasy shaǵyn fýtboldan ÝEFA kýbogynyń tórttik fınaly aıasyndaǵy kezdesýlerge qatysyp, óziniń kýbok ıegeri ataǵyn qorǵaıtyn bolady, dep habarlady komandanyń baspasóz qyzmetinen.
«Bakýdegi syıymdylyǵy 2200 jankúıerge arnalǵan «Serhedchı» olımpıadalyq sport kesheninde ótetin týrnırge ÝEFA kýbogynyń ıegeri Almatynyń «Qaırat», ıspandyq «Barselona», ázerbaıjandyq «Araz» jáne máskeýlik «Dınamo» klýbtary qatysady», - delingen habarlamada.
Kezdesý kestesi (Baký ýaqyty boıynsha - Astana ýaqytymen eki saǵat aıyrmashylyq bar)
24 sáýir
18:30 Qaırat - Dınamo 21:00 Araz - Barselona
25 sáýir demalys kúni
26 sáýir 19:00 úshinshi oryn úshin match 21:30 Fınal
Esterińizge sala keteıik, ótken jyly Almatynyń «Qaırat» komandasy otandyq shaǵyn fýtbol tarıhynda alǵash ret jartylaı fınalda Ispanııanyń «Barselonasyn», al fınalda Máskeýdiń «Dınamosyn» utyp, ÝEFA kýbogynyń ıegeri atanǵan bolatyn.
