Qaırat Turlyhanov dúnıeden ozdy
NUR-SULTAN. QazAqparat - Qazaqstan aýyr atletıkasy federatsııasynyń qurmetti prezıdenti, Semeı qalasynyń burynǵy ákimi Qaırat Turlyhanov dúnıeden ozdy, dep habarlaıdy QazAqparat tilshisi.
Qaırat Turlyhanovtyń qazasy týraly Qazaqstan Respýblıkasynyń Aýyr atletıka federatsııasynyń saıty jarııalandy.
Qaırat Turlyhanov Shyǵys Qazaqstan oblysy Úrjar aýdany Taskesken aýylynda (burynǵy Semeı oblysy Aıagóz aýdany Taskesken aýyly) dúnıege kelgen. 1980 jyly SSSR ІІM-niń Almatydaǵy mektebin bitirgen. 1980-1987 jyldar aralyǵynda ishki ister organynda qyzmet etken. 1993-2001 jyldar aralyǵynda «Philip Morris» qaýipsizdik fırmasynyń bastyǵy, «Baqty» kedeniniń bastyǵy, Semeıdegi Ertis ózeni arqyly ótetin kópik qurylysyn júrgizý boıynsha dırektsııanyń bas dırektory qyzmetin atqarǵan. 2001-2002 jyldary Semeı qalasynyń ákimi bolǵan.
Ár jyldary ShQO Qorshaǵan ortany qorǵaý basqarmasynyń basshysy, QR Qaýipsizdik keńesi hatshysynyń keńesshisi, Kólik jáne kommýnıkatsııa mınıstrliginiń kóliktik baqylaý komıtetiniń tóraǵasy, QR Kólik jáne kommýnıkatsııa mınıstriniń keńesshisi, «Kóliktik qyzmet ortalyǵy» AQ basshysy qyzmetin atqarǵan. «Vokzal-Servıs» AQ prezıdenti bolyp eńbek etken.
