Qaırat Túntekov ázirge altynshy orynda - ıÝrmaladaǵy «Jańa tolqyn - 2010» án baıqaýy
ALMATY. Shildeniń 29-y. QazAqparat /Erbol Turymbetov/ - ıÝrmaladaǵy «Jańa tolqyn - 2010» án baıqaýynyń 1-shi kúninen keıingi qorytyndy boıynsha Qaırat Túntekov brazılııalyq ánshi qyz Gabrıelamen birge 6-shy orynǵa taban tiredi.
Básekeniń birinshi kúninde Maıkl Djeksonnyń ánimen sahnaǵa shyqqan elimizdiń jas ánshisiniń qorjynynda 91 ball bar. Al jarystyń ekinshi kúni, ıaǵnı búgin ol qazaqtyń halyq áni «Nazqońyrdy» oryndamaqshy. Esterińizge sala keteıik, Máskeýde ótken irikteý syndarynda qazylar Qaırattyń osy ánin joǵary baǵalaǵan bolatyn.
Al birinshi kezeńnen keıingi jalpy esepte ýkraınalyq ánshi Tatıana Shırko Selın Dıonnyń «All By Myself» ánin oryndap, 96 baldyq kórsetkishpen top bastap tur. Onan keıingi ekinshi satyda Izraıl ánshisi bolsa, alǵashqy úshtikti Armenııa ókili qorytyndylady. Meılinshe az ball jınaǵan reseılikter ázirge tizimniń sońǵy jaǵynda.
Saıystyń bul kúninde «A Stýdıo», Alsý, Valerıı Leontev, Irına Dýbtsova jáne Varvara Alekseı Chýmakovpen birge jáne basqa da óner juldyzdary án shyrqady. Aıta keterlik bir jaıt, bul kúni álemge tanymal ánshi Engelbert Hamperdınk sahnaǵa shyǵyp, óziniń tanymal týyndylaryn oryndady.
Álemniń 12 elinen 17 úmitker qatysyp jatqan aıtýly án baıqaýynyń aqtyq kezeńi tamyzdyń 1-de ótedi.
