«Qaırat» tarıhta tuńǵysh ret ÝEFA Kýbogynyń fınalyna shyqty
ASTANA. 27 sáýir. QazAqparat - Almatynyń «Qaırat» fýtbol klýby Ispanııanyń «Barselonasyn» 5:4 esebimen jeńip, tuńǵysh ret tarıhta fýtzal boıynsha ÝEFA Kýbogynyń fınalyna shyqty.
Bul týraly Vesti.kz habarlady.
Almatylyqtar esepti Fýmastyń kómegimen matchtyń úshinshi mınýtynda-aq ashty. «Barselonanyń» fýtzaldyqtary eselerin bes mınýttan keıin ǵana qaıtara aldy. Biraq kelesi shabýylda-aq Fýmas «Qaıratty» qaıta alǵa shyǵardy. Degenmen ıspandyqtar Torrastyń golynyń arqasynda oıynnyń sońyna deıin esepti teńestire aldy.
Ekinshi taımnyń basynda ıspandyqtar basymdyq tanytqanymen, almatylyqtar kóp uzamaı olardy qýyp jetti. Qazaqstandyq komandany alǵa jyljytqan, ekinshi taımnyń sońyna bes mınýt qalǵanda gol soqqan Leo boldy. Al Fýmas dopty ıspandyqtardyń bos qaqpasyna baǵyttap, het-trık jasady. «Barselona» matchtyń sońyna eki sekýnd qalǵanda bir doptyń esesin qaıtara aldy, biraq basqasyna ýaqyttary jetpedi.
Aıta keteıik, «Qaırat» týrnırdiń eki márte qola júldegeri boldy, al «Barselona» onyń jeńimpazy bolyp tabylady.
Eske salaıyq, alǵashqy fınalıst Grýzııanyń «Iberııa Star» komandasyn 5:2 esebimen oısyraı jeńgen máskeýlik «Dınamo» boldy. Fınaldyq oıyndar jeksenbi, 28 sáýir kúni ótedi.
