«Qaırat» syrt alańda «Qyzyljardy» jeńip, týrnırlik kestede kósh bastady

ASTANA. KAZINFORM – Búgin fýtboldan Qazaqstan Premer-lıgasynyń HHV-týry aıasynda «Qyzyljar» men «Qaırat» komandasy kezdesti. 

Almatylyq ujym syrt alańda mınımaldy eseppen jeńiske jetti. Kezdesýdegi jalǵyz ári jeńisti goldy 42-mınýtta almatylyq klýbtan Dastan Sátpaev soqty. Osylaısha «Qaırat» 58 upaımen týrnırlik kestede jeke-dara kósh bastady. 

Dastan 13 golmen úzdik surmergender tiziminde ekinshi orynǵa jaıǵasty. Ázirge birinshi orynda 15 gol soqqan albanııalyq fýtbolshy Nazmı Grıpshı tur. 

Al basty qarsylasynan bir oıyn kem ótkizgen «Astana» komandasynda 53 upaı bar. Grıgorıı Babaıan jattyqtyratyn elordalyq ujym 19 qazanda «Aqtóbe» komandasymen úsh upaıǵa talasady. 

Eske sala keteıik, buǵan deıin «Qaırat» komandasynyń óz alańynda «Jetisýdy» iri eseppen jeńgenin jazǵan edik.