«Qaırat» - «Seltık» matchynda qaýipsizdikti 1,5 myń polıtsııa qyzmetkeri qamtamasyz etedi

ALMATY. KAZINFORM – «Qaırat» – «Seltık» matchy kezinde polıtsııa kúsheıtilgen rejımde jumys isteıdi.

Almaty qalasy polıtsııa departamentiniń málimetinshe, ÝEFA Chempıondar lıgasynyń pleı-off irikteý kezeńindegi «Qaırat» pen «Seltık» komandalary arasyndaǵy match kezinde qoǵamdyq tártip pen jol qaýipsizdigin qamtamasyz etýge shamamen 1,5 myń polıtsııa qyzmetkeri jumyldyrylady.

- Polıtsııanyń biriktirilgen kúshteriniń jasaqtaryn kúsheıtý josparlanyp otyr. Qoǵamdyq tártipti saqtaý, quqyqbuzýshylyqtyń aldyn alý jáne kólik aǵynyn retteýge erekshe nazar aýdarylady, - dep habarlady departamentten.

Sondaı-aq Almaty polıtsııasy arnaıy kólikterdiń kedergisiz qozǵalysyn qamtamasyz etý jáne keptelistiń aldyn alý maqsatynda Abaı dańǵyly – Baıtursynov, Muqanov jáne Sátbaev kósheleri aralyǵyndaǵy aýmaqta ishinara jabylý múmkin ekenin habarlady.

Eske salaıyq, buǵan deıin «Qaırat» - «Seltık» matchyna alypsatarlar bıletti 5 myńnan 100 myń teńgege deıin satyp jatqanyn jazǵanbyz.