«Qaırat» - «Seltık» kezdesýinde birinshi kezeńnen keıin esep ashylǵan joq

ASTANA. KAZINFORM - Búgin fýtboldan UEFA Chempıondar lıgasy pleı-off kezeńindegi almatylyq «Qaırat» pen shotlandııalyq «Seltık» kezdesýiniń birinshi kezeńi aıaqtaldy.

Qarsylastar alǵashqy mınýttan jyldam gol soǵýǵa tyrysty. Degenmen óz múmkindigin paıdalana almaı jatty. Shotlandııalyq komanda belsendiligin kórsete qoıǵan joq. Esesine «Qaırat» qarsylastar qaqpasy mańynda jıi boı kórsetti.

Ázirge tablodaǵy esepke ózgeris engen joq. Esep - 0:0.

Alǵashqy kezdesýde komandalar 0:0 esebine qanaǵat bildirgen edi.

Almatylyq fýtbolshylar atalǵan týrnırdiń alǵashqy úsh irikteý kezeńinde Slovenııanyń «Olımpııa» (1:1, 2:0), Fınlıandııanyń KýPS klýbtaryn (0:2, 3:0), Slovakııanyń «Slovan» (1:0, 0:1, penaltıden 4:3) komandasyn qapy qaldyryp ketti.

«Seltık» eýrododadaǵy alǵashqy oıynyn pleı-off kezeńinen bastady.

Qazirge deıin «Seltık» komandasynyń eýrokýbok oıyndarynda qazaqstandyq klýbtarmen úsh márte joly túıisti.

Aldymen 2013 jyly Chempıondar lıgasy pleı-off kezeńinde qaraǵandylyq «Shahterdi» (0:2, 3:0) orta jolda qaldyryp, toptyq kezeńge joldama aldy.

Al elordalyq «Astanany»2016 jyly Chempıondar lıgasy úshinshi irikteý kezeńinde (1:1, 2:1), 2017 jyly pleı-off kezeńinde (5:0, 3:4) esebimen qapy qaldyrdy.