Qaırat Sátjanov bokstan Qazaqstan erler quramasynyń bas bapkeri qyzmetine taǵaıyndaldy

ASTANA. KAZINFORM – Qazaqstan Boks federatsııasy Qaırat Sátjanovtyń bokstan erler quramasynyń bas bapkeri qyzmetine taǵaıyndalǵanyn málimdedi.

Aıta keteıik, Qaırat Tursunqanuly Satjanov — 54 jasta, Qazaqstan Respýblıkasynyń bokstan eńbek sińirgen jattyqtyrýshysy, Qazaqstan Respýblıkasynyń dene shynyqtyrý jáne sport úzdigi.

Bapkerlik eńbek ótili — 34 jyl.

2021-2022 jyldary Qazaqstan ulttyq quramasynyń bas bapkeri qyzmetin atqarǵan.

2024 jyldan Qazaqstan jastar quramasynyń aǵa bapkeri.

Q.Sátjanovtyń jetekshiligimen 2021 jyly Qazaqstan quramasy álem chempıonatynda (Serbııa) II komandalyq oryn (2 altyn, 2 kúmis, 1 qola medal) aldy.

2022 jyly Azııa chempıonatynda (Iordanııa) ІІ komandalyq oryn (3 altyn, 6 kúmis, 3 qola) enshilegen.

2024 jyly Astanada ótken jastar arasyndaǵy Azııa chempıonatynda Qazaqstan komandasy I komandalyq oryn (5 altyn, 1 kúmis, 3 qola) aldy.

Qaırat Sátjanov jattyqtyrýshy retinde 7 álem chempıonyn, 43 Azııa chempıonyn daıyndaǵan.

«Qazirgi ýaqytta jańa jattyqtyrýshylar quramy qurylýda, onyń ishinde: sheteldik jattyqtyrýshy maman, jalpy dene daıarlyǵy boıynsha jattyqtyrýshy, sondaı-aq ǵylymı top mamandary shaqyrylady.

Sonymen qatar, bas jattyqtyrýshynyń jeke shákirti bolmaıdy degen talap engizildi», — dep jazdy QBF-nan.