Qaırat Satybaldynyń qańtar oqıǵasyna qatysy bolýy múmkindigine sot túsinik berdi

ASTANA. QazAqparat – Astana qalasynyń soty Qaırat Satybaldynyń qańtar aıyndaǵy jappaı tártipsizdikterdi uıymdyrýǵa qatysy bar degen aıypqa qatysty túsinik berdi, dep habarlaıdy QazAqparat tilshisi.

«Keıbir buqaralyq aqparat quraldary Qaırat Satybaldynyń qańtardaǵy jappaı tártipsizdikterdi uıymdastyrýǵa qatysy bolýy múmkin ekendigin aıtqan bolatyn. Tergeý buǵan qatysty aıyptaýdy usynǵan joq», - delingen sot málimetinde.

Aıta ketsek, búgin Qaırat Satybaldyny 6 jylǵa bas bostandyǵynan aıyrý týraly sot úkimi shyqty.

«Jergilikti ózin-ózi basqarý organdarynda, QR Ulttyq bankinde jáne onyń vedomstvolarynda, memlekettik jáne memlekettiń úlesin quraıtyn uıymdarda laýazymǵa ornalasý quqyǵynan aıyra otyryp, oǵan 6 jyl bas bostandyǵynan aıyrý túrindegi jaza taǵaıyndalsyn», - degen edi sýdıa.

Sondaı-aq sot úkimine sáıkes Qaırat Satybaldy áskerı sheninen aıyrylyp, memlekettik ordenderdi qaıtarýǵa mindetteldi.

Odan bólek, sýdıa sottalýshyǵa qandaı aıyptardyń taǵylǵanyn túsindirdi.