Qaırat Satybaldynyń ulyna tıesili «Baısat» bazarynyń bir bóligi memleketke qaıtaryldy

ALMATY. KAZINFORM — 17 qańtarda «Almaty jylý» holdıng kesheniniń (qazirgi «Baısat» bazary) múlkimen jasalǵan barlyq mámilelerdi jaramsyz dep taný týraly Almaty qalasynyń mamandandyrylǵan aýdanaralyq ekonomıkalyq sotynyń sheshimi zańdy kúshine endi.

Almaty qalasynyń prokýratýrasy habarlaǵandaı, sotta qyzmet beıinin saqtaý jáne ıelikten shyǵarýǵa tyıym salý týraly sharttyń talaptaryn saqtamaý boıynsha mindetti satý shartynsyz 4 jyl burynǵy múlikti baǵalaý týraly ózekti emes esepti qoldanýda kórsetilgen keshendi zańsyz satý faktileri rastaldy. 

«Jalpy aýdany 4 221,4 m² 3 obekti men 1,4 ga jerden turatyn múlik Baýyrjan Nýrsýltanǵa (Qaırat Satybaldynyń uly) tıesili «QazGerStroı birlesken kásiporny» JShS jáne «Astana Finansial Group» JShS ózara úlestes kompanııalarynyń menshiginde boldy», - dep habarlady prokýratýradan. 

Eske salsaq, buǵan deıin sotqa deıingi tergeý aıasynda Qaırat Satybaldy «Baısat» bazarynyń basym bóligin óz erkimen qaıtaryp bergen bolatyn.