Qaırat Satybaldyǵa tıesili bolǵan Almatydaǵy bıznes ortalyqqa satyp alýshy tabylmady
ALMATY. KAZINFORM – «Qaıtarylǵan aktıvterdi basqarý kompanııasy» JShS Qaırat Satybaldydan tárkilengen Kaisar Plaza saýda-keńse ortalyǵyn aýktsıonǵa shyǵarǵan bolatyn.
Jeltoqsan kóshesinde ornalasqan 9 qabatty nysannyń bastapqy baǵasy – 61 547 298 223 teńge, al kepildik jarnasy – 9 232 094 734 teńge boldy. Bıznes ortalyq boıynsha ótinim búgin, 7 sáýir saǵan 10:00-ge deıin qabyldandy.
Alaıda elektrondyq aýktsıon bastalǵan kezde nysan boıynsha tirkelgen satyp alýshylardyń bolmaýyna baılanyst aýktsıon ótpedi. Aldaǵy ýaqytta «Qaıtarylǵan aktıvterdi basqarý kompanııasy» JShS ǵımaratty tómendetilgen baǵamen qaıda saýdaǵa qoıýy múmkin.
Eske salaıyq, Qaırat Satybaldynyń ulyna tıesili bolǵan «Baısat» bazaryna da kópten beri satyp alýshy tabylmaı keledi. Alǵashqy aýktsıonda nysan baǵasy 28,6 mlrd teńge boldy. Keıin 2 mlrd teńgege arzandap, 26,7 mlrd teńge bolyp belgilendi. Úshinshi ret ashylǵan aýktsıonda bazar baǵasy 24,7 mlrd teńgege tústi. Alaıda eshbir aýktsıon sátti ótpedi.
Buǵan deıin Almaty sottary Qaırat Satybaldydan qaıtarylǵan qonaqúıge jaıǵasýy múmkin ekenin jazǵanbyz.
