Qaırat Satybaldydan tárkilengen Kaisar Plaza ekinshi ret aýktsıonǵa qoıyldy
ALMATY. KAZINFORM — Qaırat Satybaldydan tárkilengen Kaisar Plaza saýda-keńse ortalyǵyn ekinshi ret satylymǵa shyǵaryldy.
«Qaıtarylǵan aktıvterdi basqarý kompanııasy» JShS aýktsıonǵa shyǵarylǵan nysannyń baǵasyn bul joly 14 mlrd teńgege tómendetken. Jalpy aýdany 63 920 sharshy metr bolatyn Kaisar Plaza ortalyǵynyń qazirgi baǵasy — 47 344 075 556 teńge.
Elektrondyq aýktsıonnyń bastalýy 2026 jyldyń 10 shildesinde saǵat 12:00–ge josparlanǵan. Basqarýshy kompanııa «Kaisar Plaza» saýda ortalyǵynan bólek, elıtalyq turǵyn úı keshenderindegi páterlerdi, sondaı-aq zergerlik buıymdar men qol saǵattardy da saýdaǵa shyǵardy.
Premıým sanattaǵy aksessýarlardyń bastapqy quny 517,8 mıllıon teńgege baǵalanyp otyr. Olar boıynsha saýda-sattyq 9 shildede ótedi.
Sondaı-aq 14 shildede úsh páter saýdaǵa shyǵarylady: ekeýi «Parıjskıı kvartal» turǵyn úı kesheninde jáne bireýi «Green Village» turǵyn úı kesheninde ornalasqan.
Eske salaıyq, Kaisar Plaza ortalyǵy boıynsha alǵashqy aýktsıon 2026 jyldyń 7 sáýirinde ótýi tıis edi. Bastapqy baǵasy — 61,5 mlrd teńge boldy.
Alaıda elektrondyq aýktsıon bastalǵan kezde nysan boıynsha tirkelgen satyp alýshylardyń bolmaýyna baılanysty aýktsıon ótpedi.
