Qaırat Satybaldy sottalǵan merziminen buryn bosatylýy múmkin be

Bas prokýrordyń orynbasary Áset Shyndalıev sottalǵan Qaırat Satybaldynyń jazasy jeńildetý múmkindigine qatysty suraqqa jaýap berdi, dep habarlaıdy Kazinform.

Búgin Senattyń jalpy otyrysynan keıin tilshiler isti bolǵan Qaırat Satybaldynyń sottalǵan merziminen buryn bosatylý múmkindigi týraly surady.

«Teorııalyq turǵydan alyp qarasaq, zańnamada merziminen buryn bosatý, neǵurlym jeńil jazamen aýystyrý sııaqty sharalardy qoldaný múmkindigi qarastyrylǵan. Osy rette, zańda belgili bir talaptar bar. ıAǵnı tıisti merzimdegi jazasyn óteýi, keltirgen zalaldyń ornyn toltyrýy, sondaı-aq túrmedegi onyń tártibi eskeriledi. Atap aıtqanda, sottalǵan adamnyń merziminen buryn bosatylýyna nemese jazany jeńildetýge ótinish berý quqyǵy bar. Al sot osy ótinishti qanaǵattandyrýǵa nemese odan bas tartýǵa quqyly. ıAǵnı, sottalǵan adamnyń ótinishi berýge quqyǵy bar, biraq sot ony bosatýǵa mindetti emes», - dedi Á. Shyndalıev.

Buǵan deıin habarlaǵanymyzdaı, byltyr Qaırat Satybaldyǵa sot úkimi shyǵyp, ol 6 jylǵa sottaldy. 

Aıta keteıik, 20 qazanda belgili kásipker Qaırat Boranbaevtyń jazasy jeńildetilgeni jarııalandy.