Qaırat Satybaldy memleketke jalpy kólemi 732,8 mlrd teńge qarajat qaıtardy
ASTANA. KAZINFORM – Qaırat Satybaldynyń memleketke jalpy kólemi qansha qarjy qaıtarǵany belgili boldy.
«2022 jyldan beri jalpy 1 trln teńgeden astam qarjy qaıtaryldy. Onyń ishinde 732,8 mlrd teńge Qaırat Satybaldyǵa qatysty qatysty is aıasynda qaıtaryldy. Ol qamaýda bolǵan kezde qonaqúı satyp aldy degen máselege qatysty aqparatty egjeı-tegjeıli qarap, naqtylaý kerek», - dedi Sybaılas jemqorlyqqa qarsy is-qımyl agenttiginiń resmı ókili Arman Tileýkenov vedomstvoda ótken baspasóz máslıhatynda.
Aıta keteıik, aqpannyń basynda Sybaılas jemqorlyqqa qarsy qyzmet Qaırat Satybaldyulyna qatysty qylmystyq isterdi tergeý sheńberinde memleketke 2024 jyldyń basynan bastap qosymsha 44,6 mlrd teńge qaıtarǵanyn habarlaǵan edi.
Eske sala keteıik, Qaırat Satybaldy 2022 jyly 15 naýryzda qamaýǵa alyndy.
