«Qaırat» sapyn brazılııalyq fýtbolshy tolyqtyrdy

ASTANA. KAZINFORM – Edmılson de Paýla Santos Fılo almatylyq «Qaırat» fýtbol klýby oıynshylarynyń qataryna qosyldy. 

– «Qaırat» fýtbol klýby brazılııalyq shabýylshy Edmılsonmen kelisimge kelgenin qýana habarlaıdy. Kelisimshart 2027 jyldyń maýsymyna deıin jasaldy, - dep jazdy klýbtyń baspasóz qyzmeti. 

Edmılson de Paýla Santos Fılo San-Paýlý shtatynda dúnıege kelgen. Ol fýtboldaǵy alǵashqy qadamyn «Velo Klýbta» bastaǵan. 2019 jyldan 2023 jylǵa deıin Portýgalııada «Marko 09» jáne «Vılaverdense» klýbtarynda oınady. 

Fýtbolshy ótken maýsymda «Tselemen» birge Konferentsııa lıgasynyń shırek fınalyna deıin jetti. «Nıý Seıtnske»-ke qarsy oıynda eki gol soǵyp, kózge tústi. Bul týrnırde slovenııalyq komanda ıtalııalyq «Fıorentınadan» jeńilip, jarysty aıaqtaǵan bolatyn. 

Jalpy Edmılson slovenııalyq klýbtyń jeıdesinde eki maýsymda 73 oıyn ótkizip, 19 gol soǵyp, 8 nátıjeli pas bergen. Odan bólek Slovenııa Birinshi lıgasy men Slovenııa kýbogyn jeńip aldy. 

Aıta keteıik, fýtbolshy aldaǵy QPL aıasynda «Jetisýǵa» qarsy matchta «Qaırat» sapynda debıýt jasaýy múmkin. 

Buǵan deıin «Ertis» fýtbol klýbyna jańa bas bapker taǵaıyndalǵanyn habarlaǵan edik.