«Qaırat» Sankt-Peterbýrgte «Zenıtpen» alańǵa shyǵady
ASTANA. QazAqparat - 9 qyrkúıek kúni «Zenıt» - «Qaırat» komandalary joldastyq match ótkizedi. Bul jóninde Reseı premer lıgasynyń 6-shy kezeńinde «Zenıt» pen «Spartak» arasynda bolǵan kezdesýdiń sońynda «Sankt-Peterbýrg» stadıonynyń dıktory málim etti, dep habarlaıdy QazAqparat «SPORTINFORM»-ǵa silteme jasap.
Match kórsetilimin Match TV jáne «Qazsport» telearnalarynan tamashalaýǵa bolady. Kezdesýdiń bastalatyn ýaqyty ázirge belgisiz.
Aıta ketý kerek, qazaqstandyq klýbtyń quramynda pıterlik «Zenıttiń» eks-fýtbolshysy Andreı Arshavın oınaıtyn bolady.
Eske salaıyq, pıterlikter 6 kezeńniń nátıjesi boıynsha RPL-da kósh bastap keledi. Al «qaırattyqtar» Qazaqstan chempıonatynda ekinshi orynǵa taban tirep otyr.
Atalmysh klýbtar sońǵy ret KSRO-nyń birinshi lıgasynda ózara oıyn kórsetken. Keńes odaǵy kezinde almatylyqtar «Zenıtpen» 57 match ótkizgen.
