«Qaırat» — «Real Madrıd»: jankúıerler stadıon aýmaǵyna qaı ýaqytta kire alady

ASTANA. KAZINFORM — Almatylyq «Qaırat» komandasy UEFA Chempıondar lıgasy negizgi kezeńi 2-týryndaǵy Ispanııanyń «Real Madrıdpen» kezdesýine stadıon aýmaǵyna qaı ýaqyttan bastap kire alatynyn jarııalady.

Bul jóninde komandanyń áleýmettik paraqshasynda málim etti.

— Stadıon aýmaǵyna jankúıerler 17:45–ten bastap kire alady. Dál osy ýaqytta oıyn aldyndaǵy baǵdarlama bastalady. Jankúıerlerdi UEFA men klýb seriktesteriniń ınteraktıv aımaqtary, kóńildi barabanshylar shoýy, jankúıerlerge arnalǵan tegin akvagrım, fýdkorttaǵy dámdi taǵamdar men sýsyndar, trıbýnada klýb jalaýlaryn taratý jaǵdaıy kútedi. Kórermenderden match bastalǵanǵa deıin 3-4 saǵat buryn kelýdi suraımyz. Bul — stadıonǵa kireberistegi tekseris pen baqylaýdan ótýge, kezek pen yńǵaısyzdyqtyń aldyn alýǵa kómektesedi, — dep jazylǵan habarlamada.

Kezdesý 30 qyrkúıek kúni saǵat 21:45–te Almatydaǵy Ortalyq stadıonda bastalyp, «Qazaqstan» jáne «Qazsport» telearnasynan tikeleı efırde kórsetiledi.

Bas tóreshi mindeti ıtalııalyq Marko Gýıdaǵa júktelip otyr. Oǵan Djordjıo Perettı men Djýzeppe Perrottı kómektesedi. Tórtinshi tóreshi de sol eldiń ókili Sımone Sotstsa.
Qazirge deıin almatylyq klýb birinshi týrda Portýgalııanyń «Sportıng» (Lıssabon) komandasyna 1:4 esebimen ese jiberdi.

Endi olar bedeldi týrnırde «Real Madrıd» (Ispanııa), «Inter» (Italııa), «Arsenal» (Anglııa), «Brıýgge» (Belgııa), «Olımpıakos» (Grekııa), «Pafos» (Kıpr), «Kopengagen» (Danııa) klýbtarymen oınaıdy.