«Qaırat» – «Real Madrıd» matchy qaı kúni ótedi

ASTANA. KAZINFORM – Almatynyń «Qaırat» klýby ÝEFA Chempıondar Lıgasynyń negizgi kezeńinde madrıdtik «Realǵa» qarsy oıyn ótkizedi, dep habarlaıdy Sports.kz.

Kezdesý 30 qyrkúıek kúni Almatynyń Ortalyq stadıonynda ótedi.

Match jergilikti ýaqyt boıynsha saǵat 21:45-te bastalady.

Aıta keteıik, bul koroldik klýbtyń Qazaqstanǵa alǵash ret resmı saparmen kelýi bolmaq.

Rafael Ýrazbahtınniń shákirtteri Lıga aıasynda óz alańynda «Brıýgge», «Pafos» jáne «Olımpıakospen» básekege túsedi.

Al syrt alańda londondyq «Arsenalǵa», mılandyq «Interge» jáne dattyń «Kopengagenine» qarsy oınaıdy.

Buǵan deıin «Real» basshylyǵy «Qaıratqa» qarsy match týraly pikir bildirdi.