«Qaırat» — «Real Madrıd»: Almatyda birneshe kóshe ýaqytsha jabylady
ALMATY. KAZINFORM — Búgin saǵat 21:45–te ÝEFA Chempıondar lıgasynyń toptyq kezeńi aıasynda Ortalyq stadıonda «Qaırat» pen «Real Madrıd» arasyndaǵy oıyn ótedi.
Almaty polıtsııasy jol qaýipsizdigine erekshe nazar aýdarylǵanyn habarlady. Departament málimetinshe, Ortalyq stadıon mańynda kólik qozǵalysyna ýaqytsha shekteýler engizilýi múmkin.
— Qalalyq polıtsııa departamenti turǵyndar men qala qonaqtaryn aldyn ala qozǵalys shekteý syzbasymen tanysýǵa, óz baǵytyn túzetýge jáne qozǵalystaǵy ózgeristerdi eskerýge shaqyrady. Azamattardy túsinistik tanytqany jáne qoldaý kórsetkeni úshin alǵys aıtamyz. Bul sharalar ýaqytsha sıpatqa ıe jáne qoǵamdyq qaýipsizdikti qamtamasyz etý men is-sharanyń jaıly ótýine baǵyttalǵan, — dep habarlady polıtsııadan.
Eske salaıyq, buǵan deıin «Qaırat» pen «Real Madrıd» matchynan keıin stadıonnan tegin avtobýstar júretinin jazǵanbyz.