«Qaırat» – Premer-lıgadaǵy eń jas komanda
ASTANA. QazAqparat – Almatylyq «Qaırat» 2023 jylǵy Qazaqstan Premer-lıgasyndaǵy eń jas komanda ekeni belgili boldy, dep habarlaıdy QazAqparat tilshisi.
Jańa maýsymda almatylyq klýb quramynda 23 fýtbolshynyń esimi jarııalandy. Olardyń ortasha jasy –22. Odan keıingi oryndaǵy qaraǵandylyq «Shahter» oıynshylarynyń orta jasy – 24. Al, «Aqsý» (Pavlodar oblysy), «Aqtóbe», «Kaspıı» (Aqtaý) jáne «Ordabasy» (Shymkent) klýbtary fýtbolshylarynyń orta jasy – 25.
Aıta ketsek, 4-5 naýryz kúnderi fýtboldan Premer-lıga komandalary arasyndaǵy el birinshiligi jalaýyn kóteredi. Bıyl dop dodasynda 14 komanda baq synaıdy. Maýsym sońynda olardyń úsheýi birinshi lıgaǵa túsip qalady.
Eske salsaq, fýtboldan Qazaqstan chempıonatynyń alǵashqy týry Tımýr Segizbaevqa arnalady.
