«Qaırat» portýgalııalyq qorǵaýshymen kelisimshartty uzartty
Almatylyq «Qaırat» klýby portýgalııalyq qorǵaýshy Lýısh Matamen kelisimshartty uzartqanyn resmı túrde jarııalady. Bul týraly klýbtyń baspasóz qyzmeti habarlady.
Klýbtyń málimetinshe, jańa kelisimshart 2028 jyldyń sońyna deıin jasalǵan.
— Lýısh Mata «Qaırat» sapyna 2025 jyldyń naýryz aıynda qosyldy. Sodan beri komandanyń eń turaqty ári senimdi oıynshylarynyń birine aınaldy. Eki maýsymda portýgalııalyq fýtbolshy resmı kezdesýlerde 79 oıyn ótkizip, úsh gol soǵyp, toǵyz nátıjeli pas bergen. Aıta keteıik, bıylǵy maýsymda Lýısh nebári bir matchqa qatysqan joq (44 oıynnyń 43-ine qatysty). Al klýbqa aýysqaly beri «Qaırattyń» barlyq resmı kezdesýleriniń 92 paıyzynda alańǵa shyqqan. Bul — atalǵan kezeńdegi komanda oıynshylary arasyndaǵy eń joǵary kórsetkish, — delingen klýb habarlamasynda.
Buǵan deıin Andreı Demchenko «Jeńis» komandasynyń bas bapkeri qyzmetine qaıta oralǵany týraly jazǵan edik