«Qaırat» pen «Teleoptık» arasyndaǵy joldastyq kezdesý 0:1 esebimen aıaqtaldy
ALMATY. 10 aqpan. QazAqparat /Erlik Erjanuly/ - Túrkııada kezekti oqý-jattyǵý jıynynda júrgen «Qaırat» fýtbol klýby keshe sońǵy joldastyq kezdesýin ótkizdi.
Almatylyqtardyń bul jolǵy qarsylasy Serbııanyń Birinshi lıgasynda óner kórsetetin Belgrad qalasynyń «Teleoptık» komandasy boldy. Onda Dmıtrıı Ogaı jattyqtyratyn qazaqstandyq aıaqdopshylar serbııalyqtardyń osal tusyn taba almaı, 0:1 esebimen ese jiberdi. Buǵan deıin olar ótken maýsymdaǵy Belarýs chempıonatynyń qola júldegeri sanalatyn Gomel qalasynyń «Gomel» komandasyna da dál osyndaı eseppen jeńilip qalǵan bolatyn. Antalııadaǵy óz jıynyn aıaqtaǵan almatylyqtar erteń elge qaıtyp oralmaq.
