«Qaırat» pen «Spartak-Nalchıktiń» joldastyq kezdesýi 0:0 esebimen aıaqtaldy
ALMATY. 18 jeltoqsan. QazAqparat - 17 jeltoqsan kúni Túrkııanyń Belek qalasynda Almatynyń "Qaırat" fýtbol klýby men Reseıdiń Nalchık qalasynyń "Spartak-Nalchık" klýbymen ótken baqylaý matchy 0:0 esebimen aıaqtaldy.
Almatylyqtar Qazaqstan Premer-lıgasyna Birinshi lıgadan bıylǵy maýsymda qaıta oralyp, el chempıonatynda 14 komandanyń arasynan 10-shy orynǵa taban tiregen bolatyn. Al 2006 jyldan beri Reseı Premer-lıgasynda óner kórsetip júrgen nalchıktikter 2011-2012 jylǵy maýsymda sońǵy oryn alyp, Birinshi lıgaǵa túsip qalǵan edi.
Bul Vladımır Vaıss jattyqtyratyn almatylyq klýbtyń aldaǵy jańa maýsymǵa ázirlik kezindegi Túrkııadaǵy alǵashqy oqý-jattyǵý jıyny. Olar buǵan deıin tuńǵysh baqylaý matchyn Qazaqstan Premer-lıgasynda bıyl ekinshi ret el chempıony atanǵan - Qaraǵandynyń "Shahter" komandasymen ótkizip, 2:0 esebimen basym túsken bolatyn.
