«Qaırat» pen «Shahter» fýtbol klýbtary Túrkııada baqylaý matchyn ótkizedi
ALMATY. 14 jeltoqsan. QazAqparat - Búgin Túrkııada oqý-jattyǵý jıynyn ótkizip jatqan Almatynyń «Qaıraty» men Qaraǵandynyń «Shahter» komandalary baqylaý matchyn ótkizedi.
Bıylǵy maýsymda birneshe ret bas bapkerin ózgertken almatylyqtar Premer-lıgada 14 komandanyń arasynda 10-shy oryn alsa, reseılik bapkerdiń kómegimen «Shahter» chempıondyq ataqty ıelengen edi. Endi bul joly almatylyqtar sheteldik bapker Vladımır Vaısstiń jetekshiligimen jańa maýsymǵa daıyndyqty el chempıonatynyń jeńimpazymen saıystan bastaǵaly otyr.
Almatylyqtar ekinshi baqylaý matchyn 18 jeltoqsanda Nalchık qalasynyń «Spartak-Nalchık» komandasymen ótkizbek. 2011-2012 jylǵy maýsymda bul komanda Reseıdiń Joǵarǵy dıvızıonynan Birinshi lıgaǵa túsip qalǵan bolatyn. Jalpy «Qaırattyń» Túrkııadaǵy bul jıyny 9 jeltoqsanda bastalǵan bolatyn. Ol 22 jeltoqsanǵa deıin sozylmaq.
