Fýtzal: «Qaırat» pen «Semeı» Chempıondar lıgasynyń negizgi kezeńinde kimdermen oınaıdy

ASTANA. KAZINFORM – Fýtzaldan Chempıondar lıgasynyń negizgi kezeńinde baq synaıtyn qazaqstandyq eki klýbtyń qarsylastary belgili boldy. 

2025/26 jylǵy maýsymdaǵy Chempıondar Lıgasynyń negizgi kezeńine qatysatyn 16 komandanyń jerebesi tartylyp, tórt topqa bólindi.

Negizgi kezeńniń matchtary 28 qazan men 2 qarasha aralyǵynda ótedi.

Jańa formatqa sáıkes, ár toptan úzdik úsh komanda birden 1/8 fınalǵa joldama alady. Pleı-off kezeńderi — 1/8 jáne 1/4 fınal — eki matchtyq júıede ótedi: bir match — óz alańynda, ekinshisi — qarsylas alańynda.

Eske sala keteıik, buǵan deıin fýtzaldan «Qaırat» komandasynyń 2025 jylǵy Qazaqstan chempıony bolǵanyn jazǵan edik.