Fýtzal: «Qaırat» pen «Semeı» búgin Chempıondar lıgasyndaǵy ekinshi oıynyn ótkizedi

ASTANA. KAZINFORM - Qazaqstandyq «Qaırat» pen «Semeı» fýtzal klýbtary UEFA Chempıondar lıgasynyń negizgi kezeńindegi kezekti oıynyn ótkizedi. 

Aldymen jergilikti ýaqyt boıynsha 20:30-da «Semeı» frantsııalyq «Etýal» komandasymen kezdesedi. 

Qazaqstandyq klýb úshinshi topta buǵan deıin 29 qazan kúni «Hrýdım» komandasyn 9:5 esebimen jeńgen bolatyn. Olar úshinshi oıynyn 1 qarashada «Palma» (Ispanııa) klýbyna qarsy ótkizedi. 

Barlyq oıyn Ispanııadaǵy «Palma» klýbynyń alańynda bolady.

Al, «Qaırat» komandasy 30 qazanda 20:50-de Portýgalııanyń «Sportıng» klýbymen kim myqtyny anyqtaıdy. 

Kezdesý «Qazsport» telearnasynan tikeleı efırde kórsetiledi. 

Almatylyq klýb budan buryn Horvatııanyń «Novo Vrıeme» komandasyn 3:2 esebimen jeńgen.  Toptaǵy úshinshi kezdesýin 1 qarashada «Prıshtına» klýbyna qarsy ótkizedi. 

29 qazan men 1 qarasha aralyǵynda josparlanǵan kezdesýler Horvatııadaǵy Makarska qalasynda ótedi.  

Úzdik tórttiktiń fınaly 2026 jyldyń mamyr aıynda Italııanyń Pezaro qalasynda bolady.