«Qaırat» pen «Seltık» arasyndaǵy match kezinde qoǵamdyq tártip buzylǵan joq – Almaty polıtsııasy

ALMATY. KAZINFORM – Almatyda ótken «Qaırat» pen «Seltık» arasyndaǵy kezdesýde qoǵamdyq tártip buzylǵan joq. Sporttyq nysan men oǵan irgeles aýmaqta qaýipsizdikti qamtamasyz etý úshin shamamen 2 myń polıtsııa qyzmetkeri jumyldyryldy.

Polıtsııanyń málimetinshe, jeke quramnyń úılesimdi áreketteriniń jáne qala turǵyndary men qonaqtarynyń túsinistiginiń arqasynda match tynysh ótken. 

– Jankúıerler tártip saqtap, komandalardy sporttyq básekelestik rýhynda qoldady. Azamattardyń ózara qurmeti men polıtsııa qyzmetkerleriniń jumysynyń arqasynda quqyq buzýshylyq tirkelgen joq. Almaty qalasynyń turǵyndary men qonaqtaryna sanaly kózqarasy men yntymaqtastyǵy úshin alǵysymyzdy bildiremiz, - dedi Almaty Polıtsııa departamenti jergilikti polıtsııa qyzmeti basqarmasy bastyǵynyń orynbasary Tımýr Noǵaıbaev.

Eske salaıyq, keshe Almatyda Chempıondar lıgasynyń pleı-off kezeńiniń jaýapty oıyny ótti. Onda almatylyqtar shotlandııalyq «Seltıkpen» kezdesip, qos oıynnyń qorytyndysy boıynsha alǵash ret óz tarıhynda Chempıondar lıgasynyń toptyq kezeńine joldama aldy.

Oıynnan keıin «Qaırattyń» bas bapkeri Rafael Ýrazbahtın almatylyq komandanyń tarıhı jeńisine baılanysty pikir bildirdi. 

Tarıhı jeńisten keıin Kóktóbe munarasy «Qaırattyń» túsine boıaldy. 

Chempıondar lıgasynyń toptyq kezeńine shyqqany úshin «Qaırat» 18,62 mıllıon eýro (11,6 mıllıard teńge) tabys tapty.