«Qaırat» pen «Real Madrıd» kezdesýine bılet satylymy bastaldy: kezekte 120 myńnan astam adam tur

ASTANA.KAZINFORM — «Qaırat» fýtbol klýbynyń jáne Ticketon servısiniń resmı saıttarynda Almatyda ótetin Chempıondar lıgasy aıasyndaǵy «Qaırat» pen «Real Madrıd» kezdesýine bılet satylymy bastaldy, dep habarlaıdy Kazinform. 

Ortalyq stadıonnyń syıymdylyǵy 23 myń ǵana jankúıerge arnalǵanymen, bıletke satylym ashyla salysymen Qazaqstan chempıondary men Eýropanyń reıtıngi joǵary klýby arasyndaǵy oıynǵa 50 myńnan astam adam bılet alǵysy kelgen. Satý bastalǵannan bes mınýt ótkende 79 468 paıdalanýshy onlaın bılet kezegine turdy.

Alty mınýttan keıin «Qaırat» fýtbol klýbynyń saıty bıletterdi satyp alǵysy keletinderdiń aǵynyna baılanysty jumysyn toqtatty.

Kezekte turǵan paıdalanýshylar sany sekýnd saıyn ósip keledi. Saǵat 17:07–degi jaǵdaı boıynsha 129 myń paıdalanýshy kezekte tur.

Match 30 qyrkúıekte ótedi.

Buǵan deıin Almaty polıtsııasy bılet satyp alýǵa qatysty eskertý jasaǵan bolatyn.