«Qaırat» pen «Ordabasy» kezdesýinde teń nátıje tirkeldi

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 7-týrynda «Qaırat» pen «Ordabasy» teń tústi, dep habarlaıdy QazAqparat tilshisi.

Ekinshi oıyn kúnindegi taǵy bir negizgi kezdesý «Qaırat» (Almaty) men «Ordabasy» (Shymkent) arasynda ótti.

Kezdesý barysynda komandalar alǵashqy mınýttan gol soǵýǵa tyrysty. Nátıjesinde almatylyq klýb shabýylshysy Joao Paolo 36-mınýtta mergendik tanytty.

Al «Ordabasy» sapynan Ǵafýrjan Súıimbaev 53, Ashat Taǵybergen 68-mınýtta eki gol soǵyp ketti.

Al Joao Paolo 78-mınýtta qorytyndy esepti belgiledi.

Komandalar 2:2 esebine qanaǵat bildirdi.

Endi 20:00-de «Qaısar» (Qyzylorda) men «Astana» jasyl alańǵa shyǵady.

Eske salsaq, 22 sáýirde «Maqtaral» óz alańynda «Jetisýdan» jeńilip qalsa , «Qyzyljar» men «Kaspıı» 1:1 esebimen teń oınady.

Al 23 sáýirde «Oqjetpes» pen «Shahter», «Tobyl» men «Aqtóbe» teń nátıjege qanaǵat bildirse, «Atyraý» óz alańynda «Aqsýdy» 2:1 esebimen jeńdi.

Al segizinshi týr oıyndary 6 jáne 7 mamyr kúnderine belgilengen.