«Qaırat» pen «Levskı» matchy: Túrkistanda birqatar kóshede kólik qozǵalysy ýaqytsha ózgeredi
TÚRKІSTAN. KAZINFORM – Búgin Túrkistan qalasyndaǵy «Túrkistan Arena» stadıonynda ÝEFA Chempıondar lıgasynyń úshinshi irikteý kezeńi aıasynda «Qaırat» pen «Levskı» komandalary arasynda match ótedi.
Osyǵan baılanysty qaladaǵy 24, 9 jáne 11-kóshelerde kólik qozǵalysyna ýaqytsha shekteý engiziledi. Sondaı-aq 9 jáne 11-kóshelerdiń boıyna avtokólik qoıýǵa tyıym salynady.
– Júrgizýshilerden kólikterin kópqabatty turǵyn úılerdiń aýlalaryna, «Dostyq úıi», Halyk Bank, Muz saraıy jáne №32 mektep aýmaǵyndaǵy avtoturaqtarǵa qoıýdy suraımyz, – dep habarlady Túrkistan oblysy polıtsııa departamenti.
Sondaı-aq polıtsııa jol qozǵalysy erejelerin saqtap, quqyq qorǵaý organdary qyzmetkerleriniń zańdy talaptaryna túsinistikpen qaraýǵa shaqyrdy.
Aıta keteıik, búgin qazaqstandyq «Qaırat» (Almaty) UEFA Chempıondar lıgasy úshinshi irikteý kezeńinde «Levskı» (Sofııa, Bolgarııa) komandasymen qarymta oıynyn ótkizedi.
Buǵan deıin «Qaırat» pen «Levskı» matchy aldynda polıtsııa jankúıerlerge úndeý jasaǵanyn habarlaǵan edik.
