«Qaırat» pen «Qaısar» fýtbol klýbtary Túrkııada sparrıngtik kezdesý ótkizedi
ALMATY. 16 jeltoqsan. QazAqparat - Túrkııada oqý-jattyǵý jıynyn ótkizip jatqan Almatynyń «Qaırat» jáne Qyzylordanyń «Qaısar» fýtbol klýbtary 17 jeltoqsan kúni sparrıngtik kezdesý ótkizedi. Dmıtrıı Ogaı baptaıtyn qyzylordalyqtar sońǵy maýsymdy Birinshi lıgada sátti ótkizip, kelesi jyly Premer-Lıgaǵa qaıta oralýǵa múmkindik alǵan bolatyn. Al Vladımır Vaıs tizginin ustaǵan almatylyqtar bul maýsymda qola júldeger atanǵan edi. Bul alǵashqy oqý-jattyǵý jıynyndaǵy qyzylordalyqtardyń alǵashqy, almatylyqtardyń ekinshi sparıngtik kezdesýi bolmaq. «Qaırat» alǵashqy kezdesýde «Tarazǵa» 0:1 esebimen jeńilis tapqan bolatyn.
Qyzylordalyqtardyń qatarynda qazir legıonerlerden chehııalyq Lýkas Baıer, armenııalyq Artýr ıÝspashıan, slovenııalyq Matık Marýshko, estonııalyq Artem Artıýnın, ózbekstandyq Rýslan Melzıdınov, túrikmenstandyq Mladan Lazarevıch men Amır Gýrbanı baıqaýda júr. Baıqaýda sondaı-aq, qazaqstandyqtardan Nurjaryq Kýnov, Alekseı Maltsev, Nıkolaı Zabrodın, Rahymjan Rozybakıev, Damır Daýtov, Andreı Shabaev, Ildar Sheıhıslamov, Erqasym Eshenqul, Almas Armenov bar.
