«Qaırat» — «Pafos»: Ortalyq stadıon mańynda kólik qozǵalysy shekteledi

ALMATY. KAZINFORM — Almatynyń Ortalyq stadıonynda ÝEFA Chempıondar lıgasynyń aıasynda «Qaırat» jáne «Pafos» arasynda oıyn ótedi.

Match 21 qazan saǵat 21:45–te bastalady. Almaty qalasy sport basqarmasynyń málimetinshe, oıyn kúni stadıon mańyndaǵy kólik qozǵalysy aıtarlyqtaı shekteledi.

Al match ýaqytynda Abaı dańǵylynda, sondaı-aq Baıtursynov, Sátbaev jáne Shevchenko kóshelerinde kólik qozǵalysy ýaqytsha shekteledi.

Odan bólek jankúıerler úshin oıyn aıaqtalǵannan keıin 6 baǵyt boıynsha 60 qosymsha avtobýs qatynaıdy:

— Ortalyq stadıon — «Almaty Arena» (taqtaısha A1, jóneltý — Abaı dańǵyly, batys baǵyt);

— Ortalyq stadıon — Raıymbek / Alataý (taqtaısha A2, jóneltý — Abaı dańǵyly, batys baǵyt);

— Ortalyq stadıon — Almaty-1 temirjol vokzaly (taqtaısha A3, jóneltý — Baıtursynov kóshesi, soltústik baǵyt);

— Ortalyq stadıon — «Orbıta» shaǵyn aýdany (taqtaısha A4, jóneltý — Baıtursynov kóshesi, ońtústik baǵyt);

— Ortalyq stadıon — «Juldyz» shaǵyn aýdany (taqtaısha A5, jóneltý — Abaı dańǵyly, shyǵys baǵyt);

— Ortalyq stadıon — áýejaı (taqtaısha A6, jóneltý — Abaı dańǵyly, shyǵys baǵyt).

— Jankúıerlerge match bastalmas buryn stadıonǵa erterek kelip, bılette kórsetilgen kireberister arqyly kirý jáne qoǵamdyq tártipti saqtaý usynylady. Bul sharalar kezekterdiń aldyn alyp, barsha kórermen úshin jaıly jaǵdaı týǵyzýǵa múmkindik beredi. Qaýipsizdikti qamtamasyz etý úshin stadıon aýmaǵynda eki jedel járdem brıgadasy kezekshilik etedi, — dep habarlady vedomstvo.

Eske salaıyq, buǵan deıin «Qaırat» pen «Pafos» matchyna 250 myńnan 30 myńǵa deıingi bıletter qalaı satylyp jatqanyn jazǵanbyz.