«Qaırat» – «Pafos» matchyn qaıdan kórýge bolady

ALMATY. KAZINFORM — 21 qazanda Almatyda Chempıondar lıgasynyń jalpy kezeńindegi úshinshi týr aıasynda qazaqstandyq «Qaırat» pen Kıprdiń «Pafos» fýtbol klýbtary kezdesedi. 

Oıyn Ortalyq stadıonda ótedi jáne Qazaqstan ýaqytymen 21:45–te bastalady.

Matchtyń tikeleı kórsetilimin Qazaqstan telearnasynan tamashalaýǵa bolady.

Eske salaıyq, birinshi týrda «Qaırat» syrt alańda Portýgalııanyń «Sportıng» klýbynan 1:4 esebimen utylyp, al ekinshi týrda Almatyda Madrıdtiń «Realyna» 0:5 esebimen ese jibergen edi. 

Al Kıprdiń «Pafosy» birinshi týrda Grekııanyń «Olımpıakosymen» 0:0 esebimen teń oınap, ekinshi týrda óz alańynda Germanııanyń «Bavarııasynan» 1:5 esebimen jeńilip qaldy.

Almatylyq komanda kelesi kezeńderde «Inter» (Italııa), «Kopengagen» (Danııa), «Olımpıakos» (Grekııa), «Brıýgge» (Belgııa) jáne «Arsenalmen» (Anglııa) kezdesedi.

Chempıondar lıgasynyń toptyq kezeńine barlyǵy 36 komanda qatysady. Týrnır 16 qyrkúıekte bastaldy, al sońǵy — segizinshi týr 2026 jylǵy 28 qańtarda ótedi. Pleı-off kezeńi 16-18 aqpan aralyǵynda bastalyp, 1/8 fınal 10-11 naýryzda, shırek fınal 7-8 sáýirde, jartylaı fınal 28-29 sáýirde ótedi. Fınaldyq match 30 mamyrǵa josparlanǵan.

Eske salaıyq, buǵan deıin «Pafos» fýtbol klýbynyń bas bapkeri Hýan Karlos Karsedo «Qaıratqa» qarsy ótetin oıyn aldynda komandasynyń daıyndyǵy týraly pikir bildirgen edi.

Almaty sport basqarmasynyń málimetinshe, match ýaqytynda Abaı dańǵylynda, sondaı-aq Baıtursynov, Sátbaev jáne Shevchenko kóshelerinde kólik qozǵalysy shekteledi.

Odan bólek jankúıerler úshin oıyn aıaqtalǵannan keıin 6 baǵyt boıynsha 60 qosymsha avtobýs qatynaıdy.