«Qaırat» óz alańynda «Jetisýǵa» ese jiberdi

ASTANA. QazAqparat - Fýtboldan Premer-lıga komandalary arasyndaǵy el birinshiliginiń 5-týrynda almatylyq «Qaırat» óz alańynda taldyqorǵandyq «Jetisýǵa» ese jiberdi, dep habarlaıdy QazAqparat tilshisi.

Kezdesý barysynda almatylyq klýb alǵashqy mınýttan belsendilik kórsetti. Nátıjesinde olardyń qatarynan 37-mınýtta Vıktor Vasın esep ashty.

Oıynnyń 54-mınýtynda «Jetisý» sapynan Ratı Ardazıshvılı tarazy basyn etńestirdi.

Al 74 -mınýtta Andreı Ýlshın qaıtadan «Qaıratty» alǵa shyǵarsa, taldyqorǵandyq klýbtan Mádı Haseın 80,Rýslan Teverov 90-mınýtta eki gol soǵyp ketti.

Osylaısha «Qaırat» qarsylasyna 2:3 esebimen ese jiberdi.

Bul - almatylyq klýbtyń bıylǵy birinshiliktegi alǵashqy jeńilisi bolsa, taldyqorǵandyq klýbtyń birinshi jeńisi.

Endi saǵat elorda ýaqytymen 19:00-de «Tobyl» (Qostanaı) men «Astana» jasyl alańǵa shyǵady.

Atalǵan týrdy saǵat 21:00-de «Ordabasy» (Shymkent) men «Aqtóbe» komandalary túıindeıdi.

Eske salsaq, 8 sáýirde «Oqjetpes» «Aqsýdy» 3:0, «Maqtaral» «Kaspııdi» 3:1, «Qyzyljar» «Atyraýdy» 1:0, «Qaısar» «Shahterdi» 2:1 esebimen tize búktirdi.