«Qaırat» oıynshylary balalarǵa qoltańbalary salynǵan 200 dopty syıǵa tartty

ASTANA. QazAqparat - Almatylyq «Qaırat» fýtbol klýbynyń oıynshylary Rıfat Nurmugamet, Tımýr Rýdoselskıı, Ermek Qýantaev jáne Andreı Arshavın «Men qasyndamyn!» atty qaıyrymdylyq jobada múgedek balalar men olardyń otbasylaryna qoldaý bildirdi, dep habarlady komandanyń baspasóz qyzmetinen.

«Men qasyndamyn!» qaıyrymdylyq jobasy múmkindigi shekteýli balalar men olardyń otbasylarynyń, jalǵyzbasty analardyń problemalaryn kórsetip, barlyq balalardyń múmkindigi birdeı ekenin, al balalaryn aldyryp tastamaı, dúnıege ákelgen analar durys tańdaý jasaıtynyn kórsetip otyr.

«Men qasyndamyn!» sóz tirkesi - barlyǵy múmkin bola alatynyn jáne amalsyz jaǵdaı joq ekenin, qoldaý tabylatynyn, ol jaqyn ekenin bildiredi», - dep baıandady jobanyń ıdeologııasy týraly uıymdastyrýshylarynyń biri Álııa Toqysheva.

«Bul jobany uıymdastyryp, bizdi shaqyrǵan adamdarǵa óte rızamyn, biz munda qýana keldik. Biz qashanda qastarynan tabylatynyn aıtqym keledi, sondyqtan armandar mindetti túrde oryndalady, bastysy - eshqashan basty tómen túsirmeý», - dep bólisti sharadan alǵan áserimen «Qaırat» FK-nyń jartylaı qorǵaýshysy Andreı Arshavın.

Fýtbolshylar jobanyń qatysýshylary úshin arnaıy 200 dopqa qoltańbalaryn qoıdy. Balalar bul kádesyılardy qýana qabyldap, oıynshylarmen birneshe estelik sýretke tústi.