«Qaırat» — «Ordabasy» oıyny: Almatyda 2 myń polıtseı qaýipsizdikti kúzetedi
ALMATY. KAZINFORM — «Qaırat» pen «Ordabasy» matchy qarsańynda Almaty polıtsııasy qaýipsizdik sharalaryn kúsheıtti.
Almaty qalasy polıtsııa departamentinde «Qaırat» pen «Ordabasy» komandalary arasyndaǵy fýtbol matchyn qaýipsiz ótkizý máseleleri boıynsha jumys keńesi ótti. Onda qoǵamdyq tártipti qamtamasyz etý, jankúıerler qozǵalysyn uıymdastyrý, kólik aǵyndaryn retteý jáne barlyq qyzmetterdiń ózara is-qımyl algorıtmi talqylandy. Erekshe nazar kórermenderdiń qaýipsizdigine jáne tótenshe jaǵdaılarǵa jedel den qoıýǵa aýdaryldy.
Match ótetin kúni qoǵamdyq tártip pen jol qozǵalysy qaýipsizdigin qamtamasyz etýge 2 myńnan astam polıtsııa qyzmetkeri, Ulttyq ulannyń áskerı qyzmetshileri jáne ózge de qyzmetterdiń ókilderi jumyldyrylady.
— Bizdiń basty mindetimiz — fýtbol matchynyń qaýipsiz ótýin qamtamasyz etip, barlyq kórermenderge qolaıly jaǵdaı jasaý. Uıymdastyrýshylarmen jáne múddeli qyzmettermen birlesip, ózara is-qımyldyń barlyq máselesin pysyqtap, is-qımyl algorıtmderin aıqyndadyq jáne kúshterdi bóldik, — dedi Qoǵamdyq qaýipsizdik basqarmasynyń bastyǵy Tımýr Noǵaıbaev.
Eske salaıyq, Chempıondar lıgasynyń ekinshi irikteý kezeńinde «Qaırat» alǵashqy oıynda «Omonııaǵa» ese jiberdi.
