«Qaırat» ońtústikkoreıalyq jartylaı qorǵaýshymen kelisimshart ornatty
ASTANA. QazAqparat - «Qaırat» fýtbol klýby ońtústikkoreıalyq jartylaı qorǵaýshymen kelisimshart jasasty, dep habarlaıdy klýbtyń baspasóz qyzmetinen.
Seýl qalasynan shyqqan daryndy oıynshy fýtbolmen 9 jasynan bastap aınalysyp keledi. 2014-2016 jyldary Han Chjon Vý «Iongvýn» komandasy úshin oınaǵan. Ótken maýsymda shabýyldaýshy havbek «Sýngsıl» fýtbol klýbynyń namysyn qorǵady. Han Chjon Vý dopty sol aıaǵymen tamasha tebý sheberligimen tanymal, sonymen birge, eki aıaǵymen de túrli pozıtsııalardan tamasha soqqylar jasaı alady.
2016 jyly Ońtústik Koreıa jasóspirimder quramasynyń (U-18) jattyqtyrýshylar shtabynyń nazaryna ilikken ámbebap oıynshy onyń quramynda eki oıyn ótkizgen. Bul rette eki oıynda da alańǵa aǵylshyn jasóspirimderine qarsy shyqqan.
Qazirgi kezde «Qaırat» klýbynyń jańa oıynshysynyń Tokıo Jazǵy olımpıada oıyndaryna qatysýǵa joǵary múmkindigi bar. Qazirgi kezde aralarynda Han Chjon Vý bar ońtústikkoreıalyq olımpıadashylar 2020 jyly Japonııada ótkiziletin Olımpıada oıyndaryna joldamaǵa úmitkerlerdiń qatarynda.
Han Chjon Výmen kelisimshart 2+1 kestesi boıynsha jasalǵan. Osylaısha, koreıalyq oıynshy «Qaırat» úshin qatarynan eki maýsym oınap, odan keıin kelisimdi taǵy bir jylǵa uzarta alady.
Dose:
Han Chjon Vý
Týǵan jyly: 26 jeltoqsan 1998 jyl
Boıy: 172 sm.
Salmaǵy: 65 kg.
Pozıtsııasy: jartylaı qorǵaýshy
Azamattyǵy: Ońtústik Koreıa.
