Qaırat Nurtastyń júrgizýshisi Jambyl oblysynda jol erejesin óreskel buzdy
TARAZ. QazAqparat – Áleýmettik jelide tanymal qazaqstandyq ánshi Qaırat Nurtastyń kóligi Jambyl oblysynyń tasjolynda jol erejesin óreskel buzǵany túsirilgen vıdeo tarady, dep habarlaıdy QazAqparat tilshisi.
Polıtsııa departamenti oqıǵaǵa túsinik berdi.
Júrgizýshiler ánshiniń kóligin Jambyl oblysy Qordaı aýdanyndaǵy respýblıkalyq kúrejoldan baıqaǵan.
Túsirilgen vıdeodan basyp ozý kezinde avtomobıl jol erejesin óreskel buzǵany kórinip tur.
Áleýmettik jeli qoldanýshylary ánshiniń bul áreketine ashýlandy.
«Beınejazbada kórsetilgen kólikti Qaırat Nurtas júrgizgen joq. Kólikti bastyǵyna asyqqan ánshiniń júrgizýshisi tizgindep bara jatqan»,-dedi Jambyl oblysy polıtsııa departamenti baspasóz qyzmetiniń basshysy Gúlsara Muhtarqulova.
Oqıǵa 25 tamyzda Qordaı aýdany Almaty-Tashkent avtojolynyń 215-shi shaqyrymynda bolǵan.
«Atalǵan quqyq buzýshylyqty jasaǵany úshin «Mercedes-222» avtokóliginiń 37 jastaǵy júrgizýshisine QR ÁQBtK 601-baby (jol belgileri talaptaryn saqtamaý) boıynsha ákimshilik hattama toltyrylyp, 10 350 teńge kóleminde aıyppul salyndy», - dep habarlady vedomstvodan.
