Qaırat Nurtastyń jubaıy osynsha jyl qupııa ómirge qalaı shydap kelgenin aıtyp berdi
ASTANA. QazAqparat - Qaırat Nurtastyń jubaıy Juldyz Ábdýkárimova osynsha jyl boıy jasyryn ómir súrýge qalaı shydap kelgenin aıtyp berdi. Bul týraly ol óziniń Instagram paraqshasynda oqyrmandarynyń suraǵyna bergen jaýabynda málim etti, dep habarlaıdy «QazAqparat» HAA.
Juldyz Ábdýkárimova kóbinde bala baǵýmen jáne qaıyrymdylyqpen aınalysqanyn aıtty.
«Nekeden keıingi jeke ómirdiń utymdy tusy - erejelerdi ustanýǵa kómektesedi. Zerigetin, qoly bos áıelder kóp jaǵdaıda kúıeýi jumysta bolǵanda habarlasyp, mazasyn alyp, ómirine shaǵymdanyp, kúıeýiniń boıynan kemshilikter izdeı bastaıdy nemese ony ózgertýge tyrysady. Sebebi olardyń bos ýaqyty kóp jáne únemi ózine kóńili tolmaıdy. Eger siz únemi jumysbasty bolsańyz - dostaryńyzben áńgimelesip, balalar baǵyp, kınoǵa baryp, qyzyqty keshkilik kýrstarǵa qatysyp nemese qaıyrymdylyqpen aınalyssańyz, kúıeýińizdiń mazasyn kóp ala bermeısiz. P.S. "Osy jyldar boıy qalaı shydap keldińiz" degen suraqqa jaýabym», - dep jazdy ol óziniń áleýmettik jelidegi paraqshasynda.
Aıta keteıik, Qaırat Nurtastyń jubaıy bıyl kúzde kórermenge jol tartqan «Arman/Kogda angely spıat» fılminde basty rólde oınap, jurt aldyna tuńǵysh ret shyqqan bolatyn.
